UEFA ka konfirmuar se në të gjitha ndeshjet e Ligës
së Kampionëve dhe Europa League do të mbahet një minutë heshtje në nder të
sulmuesit të ndarë nga jeta, Emiliano Sala.
“Në emër të të gjithëve në UEFA,
dëshiroj t’i shpreh ngushëllimet më të sinqerta familjes dhe miqve të Emiliano
Sala. Jam thellësisht i pikëlluar që jeta e tij është marrë kaq mizorisht në
një moshë kaq të re dhe unë u bëj thirrje mbështetësve të gjithë kontinentit të
tregojnë respektin e tyre në kujtesën e tij gjatë ditëve të ardhshme.”
-tha presidenti i UEFA-s, Aleksander Ceferin.
Klubet që konkurrojnë në Kupat e Europës këtë javë gjithashtu do të kenë mundësinë për të mbajtur shiritat e zinj në kujtim të Sala, i cili ka lindur në Argjentinë, por kaloi një pjesë të madhe të karrierës së tij profesionale në Francë.
27-vjeçari vdiq pasi aeroplani që po udhëtonte nga Nantes në Cardiff humbi kontaktin me kupën e vrojtimit të trafikut ajror mbi Kanalin Anglez më 21 janar.
Trupi Sala u identifikua zyrtarisht më 7 shkurt, pasi u mbulua nga rrënojat nënujore javën e kaluar dhe u soll në breg. Ndërkohë, trupi i pilotit David Ibbotson ende mungon.
Loading ...
