Trajneri i Besëlidhjes Ndriçim Kashami nuk do të drejtojë më skuadrën lezhjane. Në një prononcim për “newsport”, 48-vjeçari konfirmoi lajmin e dorëheqjes nga skuadra e Besëlidhjes duke zbuluar dhe planet për të ardhmen.
“Po, është e vërtetë. Largësia, dy humbjet në kampionat, por edhe momenti i ndërprerjes së kampionatit më shtynë që të merrja këtë vendim. Për pushime nuk bëhet fjalë, do të kërkoj ekip tjetër pak më afër”, u shpreh për “newsport” Ndriçim Kashami.
Ai ka drejtuar në të kaluarën skuadrat e Besës dhe Apolonisë.
Besëlidhja humbi radhazi ndeshjet me Vllazninë dhe Erzenin (0-1 dhe 1-2) duke zbritur në vendin e gjashtë me vetëm 6 pikë pas 5 ndeshjesh, larg objektivit të rikthimit në Kategorinë Superiore.
Loading ...
