Lorenc Trashi është një nga lojtarët më të njohur të Partizanit. Mesfushori gramshiot është titullar i padiskutueshëm në formacionin e të kuqve. Por, ai njihet edhe për karakterin e vështirë që e shoqëron jashtë fushës së blertë. Përplasjet me klubin i ka pasur të shumta, aq sa u pezullua para një ndeshje delikate siç qe ajo me Skënderbeun.
Megjithatë duket se tashmë është qetësuar dhe vijon intensivisht stërvitjen para ndeshjes me Teutën. Por, jeta e tij sentimentale ka qenë gjithmonë e fshehur. Së fundmi, në rrjetet sociale është publikuar një bisedë, teksa 26-vjeçari bisedon me një vajzë, emri i së cilës nuk bëhet i ditur. Në sy bie mosha e saj, e cila me sa duket është minorene, fakt ky që lë të shtangur edhe Trashin.
“Për nja 4 muaj mbush 16-vjeç”, thotë vajza në fjalë. Ndërkohë Trashi i habitur përgjigjet: “Jooooo, mos më thuaj”. “Dukem e madhe”, ia pret ajo. Por, mëngjërashi nuk ndalet me komplimentat: “Shumë e vogël qenke, por edhe shumë simpatike”, përfundon ai duke i shkelur syrin.
Me siguri, që mëngjërashi duhet të jetë i përqëndruar në ndeshjen e nesërme që është tejet deçizive për të besuarit e Skënder Gegës. Por, njëkohësisht duhet të bëjë kujdes në publikimin e bisedave, pasi nuk mund t’i shpëtojë medieve rozë, siç ndodh kësaj radhe.