Humbja me Luftëtarin 2-0 dhe tashmë vendi i parafundit në renditje ka rënduar shumë situatën te ekipi i Vllaznisë. Të shtosh këtu edhe fjalët e trajneri Gjoka pas ndeshjes ku tha se do fliste me drejtuesit të shtyn të mendosh se te Vllaznia mund të ketë lëvizje në stol. Duket se në Shkodër tashmë po qarkullojnë disa emra për zëvendësuesin e Gjokes.
Emri më i përfoluar është ai i Dervish Haxhiosmanovic. Malazezi është një njohje e vjetër e Vllaznisë dhe e kampionatit shqiptar ku është ai që ka qenë në drejtim të kuqebluve në titullin e fundit të fituar në vitin 2001. Ai cilësohet edhe si ‘trajneri i emergjencave’ sepse e ka marrë edhe herë të tjera drejtimin e Vllaznisë në situata kritike dhe ia ka dalë më sukses.
Emra të tjerë që përfliten janë ato te Samuel Nikaj i sapo shpallur kampion me Kastriotin në Kategorinë e Parë dhe Edi Martini, ish-sulmuesi dhe ish-trajneri i shkodranëve.
Loading ...
