Shkëndija mund të garantojë sërish qëndrimin e Ferhan Hasanit. Anësori 28-vjeçar nuk ka gjetur akoma skuadër të re, pvarësisht interesimeve nga Polonia dhe Turqia.
Shqiptarit i skadoi kontrata me kuqezinjtë këtë sezon dhe ishte në pritje të firmosjes me ekip të ri. Në këtë situatë kampionët e Maqedonisë po mendojnë të garantojnë rinovimin e tij.
Hasani është një nga futbollistët më të mirë dhe më të dalluar të Shkëndijes ku ka fituar dy kampionate në karrierë dhe e ka përfaqësuar ekipin në kupat e Europës. Tetovari ka mbajtur dhe shiritin e kapitenit. Ai ka patur eksperiencë dhe në kampionatet e huaja ku ka veshur fanellën e danezëve rë Brondbyt (2013-2015) dhe Wolsburgut (2012-2013). Në nivel kombëtareje ai luan për Maqedoninë.