Rei Manaj do të largohet nga Inter. Të paktën kështu raporton “Tuttomercatoweb”, e cila shkruan se sulmuesi shqiptar do të transferohet në Spanjë. Madje bëhet me dije që lushnjari është pranë kalimit te Albacete në Segunda Division.
Orët e ardhshme do të jenë vendimtare për sulmuesin e Kombëtares sonë, i cili në këtë merkato vere ka qenë mjaft i përfolur për sa i përket ekipit të sezonit të ri. Kujtojmë se në edicionin që lamë pas, Manaj ishte pjesë e Granadas në Spanjë. 21-vjeçari u aktivizua në 19 takime, ku arriti të shënonte vetëm 1 gol.