Bledar Vashaku është zyrtarisht trajneri i portierëve të Sopotit. Ish-portieri i njohur tashmë ka lënë futbollin e luajtur për të vijuar një tjetër profesion, sigurisht jo jashtë sferës së futbollit.
Lajmi për zyrtarizimin e Vashakut në pozicionin e trajnerit të portierëve te Sopoti e ka bërë vetë klubi i Kategorisë së Parë përmes një postimi në faqen e Facebook-ut.
Tashmë në moshën 35-vjeçare, Vashaku është një emër i njohur i futbollit shqiptar, pasi ka luajtur me skuadra si Elbasani, Naftëtari, Teuta, Partizani, Besa, Laçi e të tjera.