Juventus do të udhëtonte sot për në Itali, mirëpo një defekt në avion ka bërë që ekipi italian të “ngecë” në Portugali. Ditën e djeshme, skuadra e Masimiliano Alegrit arriti të fitonte me rezultatin 2-0 kundër Portos, ndeshje e vlefshme për Champions League.
Sipas “Tuttosport”, ekipi italian do të nisej sot për t’u kthyer në atdhe, mirëpo një defekt teknik në avion ka bërë që skuadra së bashku me stafin teknik të mbesin në hotel. Mësohet se lojtarët e Juventus janë të frikësuar dhe nga momenti në moment po presin “OK” për t’u nisur drejt Italisë.