Gjysmëfinalja e dytë e këtij kampionati botëror Kroaci-Angli do të mbahet si njëra prej ndeshjeve më të jashtëzakonshme e të gjitha kohërave. Megjithatë kamerat në Rusi nuk fiksuan gjithçka nga ndeshja e djeshme. Në momentin kur futbollistët e Kroacisë po festonin golin e Mandzukic. lojtarët anglezë tentuan të përfitonin nga shmangia e vëmendjes së kroatëve duke vendosur menjëherë topin në qendër të mesfushës për të shënuar direkt drejt portës së Subasic.
Gjyqtari e frenoi një tentativë të tillë. Por ky episod pason një të parë kur në sfidën Spanjë-Portugali 3-3 njëri prej lojtarëve të Portugalisë po qëndronte në gjysmëfushën spanjolle për të pritur një top për për ta dërguar në rrjetë.
Megjithatë rregullorja e Bordit të Shoqërisë së Futbollit saktëson se pas shënimit të golit loja rinis kur të gjithë lojtarët janë në gjysmëfushën e tyre.