Një nga të ftuarit surprizë të mbrëmjes së sotme në emisionin “Soirée” ishte dhe ish-trajneri i Kombëtares së futbollit, Gianni De Biasi.
Gjatë një bisede mes tij dhe moderatores, dhe gazetarit Marin Mema, ky i fundit zbuloi një detaj mjaft interesant për jetën e De Biasit. Marini tregoi për publikun se rreth 44 km larg Pescaras, në Italinë Qendrore ka gjetur arbëreshë me mbiemrin De Biasi. Këtë fakt, ish-trajneri nuk e ka mohuar, por e ka lënë çështje të hapur pasi ai vetë personalisht nuk ka informacion.
Epo, nëse faktet e gjetura nga Marini janë të vërteta, atëherë e gjetëm arsyen pse De Biasit nuk i largohet zemra nga Kombëtarja jonë dhe anasjelltas.