Nisja e kampionatit anglez ka qenë e mbarë për Xherdan Shaqirin. Ai ka realizuar një gol fantastik në ndeshjen e djeshme ku Stoke City u përball me Middlesbrough. Ai shënoi me goditje dënimi, ndërsa ishte një ekzekutim fantastik i tij.
Goli nuk u komentua vetëm nga të pranishmit në stadium, apo nga ata që e kanë ndjekur direkt, por edhe portalet e huaja në të gjithë botën i kanë bërë jehonë golit të Shaqirit. Edhe BBC i ka kushtuar një artikull kosovarit që luan për kombëtaren zvicerane, duke thënë: “Zakoni i Shaqirit për të shënuar gola spektakolar vazhdoi edhe sot”. Kujtojmë se Shaqiri ka shënuar një gol tejet të bukur në Kampionatin Evropian që u mbajt në Francë, në barazimin 1:1 mes Polonisë dhe Zvicrës.
https://youtu.be/JHOquAT-EIA